طبعا شعب بهيم مادام الثورة بدات بكذبة ووهم مادام الزّبراط في تونس يولّي شهيد و القطعي شهيد و الكلوشار شهيد. مادام اللي يموت و هو يخلع في حانوت يولّي شهيد و اللي يموت و هو يحرق في كرهبة خوه التونسي يولي شهيد...طبعا شعب بهيم مادام الهاشمي الح...امدي يجيب أغلبية في الانتخابات .... طبعا شعب بهيم مادام واحد ماشي يصوت للنهضة و ماشي في بالو داخل للجنة و باش يرضي ربي... طبعا شعب بهيم مادامنا لاهين بالسفاس...ف الفارغة و نسينا مشاكل البلاد الكل و قعدنا نلوّجو على فلان كان تجمعي و فلان لا.طبعا شعب بهيم مادامنا الكل اليوم ولّينا مكافحين و مناضلين و سلاحنا في ذلك الاشاعة و الكذب .هاو نهار نهارين و احنا طالعين بكذبة. طبعا شعب بهيم مادامو ما يحبش النظام و الامن و الصّرامة في اتخاذ الاجراءات.طبعا شعب بهيم مادام العدو اللدود أصبح البوليس و الماتراك.طبعا شعب بهيم مادامنا نصدّقو ان البوليس إغتصب شاب و بعد شهر ضهرت عليه بوادر الحمل.طبعا شعب بهيم مادامنا نلومو على الطرابلسية و احنا كل واحد طرابلسيه في جيبو اللي يخلط على كيلو روز يسرقو و اللي يخلط على حكّة طماطم يسرقها و اللي يخلط على باكو دخّان يسرقو.طبعا شعب بهيم وقتلّي ننادي بإسقاط حكومة وقتية.طبعا شعب بهيم وقت اللي يصير الاستاذ يخاف مالتلميذ و القدر يطيح.طبعا شعب بهيم و قت اللي ما تعلّم مالثورة كان كلمة ديقاج.طبعا شعب بهيم وقت اللي تقوم ثورة من اجل البطّال و بعد نعتصمو من اجل الزيادة في الشهرية.طبعا شعب بهيم وقت اللي يقطع في الطرقات و ينهب و يسرق .طبعا شعب بهيم وقت اللي حرمة المساجد منهوكة و صارت مرتع.طبعا شعب بهيم وقت اللي نحرقو سبيطار و نهدّمو مرفق عمومي.طبعا شعب بهيم مادام معشش فينا الجهل و الاشاعة و الكذب و الخديعة.طبعا شعب بهيم وقت اللي التونسي يرعب و يقتل و يبراكي و يسرق و يغتصب و يروّع خوه التونسي....ثم طبعا انا بهيم مادمت انتمي لشعب بهيم و لم أستطع فعل شئ ..//
